கோடையில் உறுமத் தயாராகும் 'சிங்கம் 2'
'மாற்றான்' கொடுத்த பெருத்த ஏமாற்றத்தினை அடுத்து சூர்யா 'சிங்கம் 2' படத்தில் மும்முரமாக ஈடுபட்டு வருகிறார்.சிங்கம் படத்தின் தொடர்ச்சி என்பதால் சிங்கம் 2 படத்திற்கு பெரும் எதிர்பார்ப்பு இருக்கிறது. சூர்யாவுடன் அனுஷ்கா, ஹன்சிகா, சந்தானம் மற்றும் பலர் நடித்து வருகிறார்கள். ஹரி இயக்க, தேவி ஸ்ரீபிரசாத் இசையமைத்து வருகிறார்.
சிங்கம் 2 படத்தின் படப்பிடிப்பு இந்தியாவில் நடைபெற இருந்த அனைத்து காட்சிகளையும் படமாக்கி முடித்து விட்டாராம் ஹரி. மூன்றாம் கட்ட படப்பிடிப்பு வெளிநாட்டில் இம்மாத இறுதியில் தொடங்க திட்டமிட்டு இருக்கிறார்கள்.
கென்யா அல்லது தான்சானியா நாட்டில் படப்பிடிப்பு நடைபெற இருக்கிறது. ஹரி ஏற்கன்வே இந்நாட்டிற்கு சென்று கதைக்கு ஏற்ற படப்பிடிப்பு இடங்களை தேர்வு செய்து விட்டாராம்.
'சிங்கம் 2' திரைப்படம் கோடை விடுமுறைக்கு கல்லா கட்ட திட்டமிட்டு இருக்கிறார்கள். இப்படம் தமிழில் வெளியாகும் அதே நாளில் தெலுங்கிலும் வெளிக்கொண்டு வர திட்டமிட்டு இருக்கிறார்கள்.
No comments:
Post a Comment